.png)
Presidenti brazilian Jair Bolsonaro duhet të akuzohet për krime kundër njerëzimit. Akuza pritet të ngrihet nga 11 anëtarët - 7 prej tyre në opozitë - të komisionit të Kongresit Brazilian të ngarkuar me analizimin e përgjigjes së qeverisë ndaj pandemisë.
Sipas komisionit, presidenti e la qëllimisht koronavirusin të depërtojë në vend në një përpjekje për të arritur imunitetin e tufës, por përfundoi duke vrarë qindra mijëra njerëz.
Paneli i atribuon më shumë se 300,000 viktimave dështimit të qeverisë për t'iu përgjigjur, gjysma e shifrave kombëtare në total.
"Shumë nga këto vdekje ishin të shmangshme", - shpjegoi Renan Calheiros, senatori centrist përgjegjës për komisionin, një nga më jetëgjatët në sallë. "Unë jam personalisht i bindur se presidenti është përgjegjës për këtë masakër".
Hetimi, një raport prej 1,200 faqesh që pritet të bëhet publik këtë të mërkurë, por që mund të shtyhet, gjithashtu rekomandon ngritjen e akuzës për 69 persona të tjerë, përfshirë tre nga fëmijët e Bolsonaros dhe ish-ministra dhe zyrtarë të shumtë qeveritarë.
Fillimisht, komisioni - seancat e të cilit vazhduan për gjashtë muaj dhe u transmetuan në televizionet e kohës kryesore, ishin shumë të popullarizuara në të gjithë vendin - propozoi ngritjen e akuzës për vrasje masive dhe gjenocid të grupeve autoktone Amazoneze, por, kur indiferencat e para janë përhapur nga media, shumë senatorë kanë kërkuar të lehtësojnë akuzat.
Për këtë, pak orë para publikimit të raportit, të planifikuar, komisioni vendosi të zvogëlojë kërkesat, duke eliminuar vrasjet masive dhe gjenocidin.
Hetimi mund të mos çojë në padinë ndaj Bolsonaros, i cili do të përballet me zgjedhje të reja vitin e ardhshëm, por ai pasqyron zemërimin e përhapur ndaj një presidenti, i cili që nga fillimi - dhe edhe pse u sëmur vetë - nuk pranoi ta merrte seriozisht pandeminë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
