Nga mazhorana, për protestën e opozitës ka reaguar edhe zv/kryeministri Erjon Braçe, i cili ka publikuar pamjet të protestës së opozitës nga lart, ku thekson se në shesh siguria publike u cenua nga një grup politiqenësh, të cilët nuk i bënë asgjë shumicës politike.
Braçe thekson se opozita ka ngrënë grushte nga politika amerikane dhe ajo gjermane, por pavarësisht këtyre, sipas tij vazhdon të jetë me e dhunshme.
Reagimi i plote i Erjon Braçes
GRUSHTA AMERIKANO-GJERMANE HANË, MË TË DHUNSHËM BËHEN!
Siguria Publike është një e mirë publike; Rendi Publik është një e mirë publike; Drejtësia e barabartë për këdo është një e mirë publike; Imazhi i vendit është një e mirë publike;
Është ekonomia! Është ekonomia jote! Ështe sot, duhet te jetë edhe nesër! Janë të ardhurat e tua! Është puna jote!
Cenimi i sigurisë publike nga 2000, 3000, 5000, ja dhe 10000 njerëz të dhunshëm, nuk i ben asgjë një shumicë politike, zero! Ama ekonominë tënde e godet!
Mendoje pak, dy elementët kyç të ekonomisë gjatë vitit të fundit ishin:
Investimet e huaja! Turistët e shumtë!
Një grusht politiqensh të korruptuar, tamam ata që kanë vjedhur duke vrarë e kanë vrarë për t,u mbrojtur, po shkaterrojnë ekonominë tuaj! Atë ekonomi që e keni ngritur vetë, me mund, djersë e sakrifica, të ardhurat tuaja;
Për të tjerët, atë ekonomi që ju jep punën e prej saj edhe të ardhurat e përditshme!
Mos i falni këta fundërina që nuk janë si ju, nuk kanë hall të nxjerrin fundin e muajit, të paguajnë rrogat e punëtorëve çdo fund muaji.
Janë tamam politiqentë që as e vrasin mendjen për ekonominë tuaj, por po bëjnë çmos të kenë ekonominë e tyre!
Duan para më shumë, ndaj duan pushtet sa më parë! Pa zgjedhje, sepse e dinë që ju si votoni më kurrë. Me dhunë! Me dhunë mbi çdo polic të shtetit të angazhuar për sigurinë publike, me dhunë mbi secilin prej jush, ekonominë tuaj e të ardhurat tuaja! Kur ndodh kjo, ligji duhet të mbrojë interesin publik! Ligji mbi të gjithë!”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.