.png)
Nga Gazeta Si- Borusia e Dortmundit është skuadra e pare finaliste e Champions League, pasi fitoi edhe ndeshjen e dytë në “Parc de Prince” përballë Paris SG, i cili ishte i pafuqishëm për të ndryshuar humbjen e takimit të pare në Gjermani 1-0. Pas një pjese të parë pa gola, që sigurisht i shkonte për shtat Borusias, në të dytën është pikërisht skuadra e Terzic ajo që shënon vetëm 5 minuta pas fillimit të pjesës së dytë.
Dhe ia dolën mjaft mirë gjermanët, të cilët nuk e vunë për asnjë moment në dyshim kualifikimin, duke mbajtur për 90 minuta avantazhin e shifrave 0-1 që e kishin arritur që në minutën e 50-të.
Tashmë Borusias së Dortmundit do t’i duhet të presë gjysmëfinalen tjetër që do të luhen mbrëmjen e së mërkurës në “Bernabeu” mes Real Madridit dhe Bayern Munich, ndërkohë që takimi i parë mes tyre në Gjermani ka përfunduar në barazim 2-2, duke lënë gjithçka të hapur për këtë ndeshje kthimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
