.png)
Gazeta Si – Është e njohur tashmë filozofia e klubit gjerman të Borusia Dortmund në lidhje me zbulimin e talenteve, rritjen dhe më pas shitjen e tyre me shifra të larta. Klubi gjerman po sheh gjithmonë e më tepër Anglinë si një ‘minierë’ talentesh. Prej aty ka marrë lojtarë si Sanço dhe Belingam, të shitur pastaj me vlera shumëfish më të mëdha.
Talentin e radhës Borusia e ka gjetur te Mançester Junajtid, skuadra që po kalon një krizë të thellë këtë sezon. Sipas ‘Football Insider’, drejtuesit e saj po monitorojnë nga afër Dan Gore, një mesfushor i ri që aktivizohet me Mançster Junajtid U-21. Ai ka debutuar edhe me ekipin e parë.
Mbetet të shihet, nëse gjermanët do të godasin sërish në shenjë. Në këtë sektor ata rrallë gabojnë dhe nëse arrijnë të zbulojnë yllin e radhës, për Mançesterin do të ishte një goditje e madhe, sepse nuk po vlerëson talentet e veta.
Trajneri i Borusias, Terziç, bashkë me disa pjesëtarë të tjerë të klubit, e kanë studiuar Gore dhe pritet që të hidhen hapa konkretë për blerjen e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
