Ish-futbollisti i famshëm brazilian, Rivaldo, kampion bote dhe ish-yll i Barcelonës dhe Milanit, ka lëshuar një deklaratë “bombë” për mikrofonët e “Betfair”. Duke folur për të ardhmen e Lionel Mesit, që mund të jetë larg Barcelonës, ai i ka bërë të gjithë tifozët e Juventusit të ëndërrojnë.
“Mendoj se disa agjentë po lëvizin, duke ëndërruar dyshen Mesi-Ronaldo te Juventusi. Do të ishte një bum i madh. Kam përshtypjen si klubi italian mund të rikuperojë çdo investim për pak kohë, duke parë shtytjen e fortë që ka për marketingun. Të shohësh bashkë Mesin dhe Ronaldon do të jetë diçka historike dhe shumë sponsorë besoj se urojnë dhe duan të ndodhë diçka e tillë. Në këtë sens, për mua është e mundur që ata të luajnë bashkë te Juventusi”, - është shprehur Rivaldo.
Edhe pse dy padronët e “Topit të Artë” janë “veteranë” aktualisht, tifozët e Juventusit e kanë vërtet ëndërr t’i shohin të dy bashkë me fanellën bardhezi. Kjo merkato vere duket se do të dhurojë surpriza të mëdha, me disa lëvizje të bujshme. Fabio Paratiçi ka në plan të bëjë 7 goditje dhe njëra prej tyre mund të jetë Lionel Mesi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.