.png)
Kristian Vieri ka kujtime të bukura nga koha kur luante me Lacion dhe sigurisht që i ndjek me interes zhvillimet në klubin bardhekaltër. Ai ka folur së fundi për “SololaLazio.it” në lidhje me disa tema, veçanërisht për sulmuesin Çiro Imobile dhe drejtorin sportiv, Igli Tare.
“Imobile? Çiro është e kundërta e kuptimit të mbiemrit të tij. Ai është kurajoz, i fuqishëm dhe ka rezistencë. Me kalimin e viteve është bërë edhe më gjakftohtë para portës. Ka triumfuar ndaj emrave si Levandovski, Mesi dhe Ronaldo, kaq mjafton. Duhet mjeshtëri për golat dhe tani pres që ai të shënojë sistematikisht edhe me Italinë, sepse i ka të gjitha kapacitetet për ta bërë këtë gjë”, - ka thënë Vieri për Imobilen.
Më pas komenti i tij për Lacion në Ligën e Kampionëve dhe punën e Igli Tares. “Lacio do ta thotë fjalën e vet në Ligën e Kampionëve, do të argëtohemi. Tare është një fenomen, ai bën lëvizje të mëdha me buxhetin që ka në dispozicion. Edhe klubi ka punuar mirë, duke mos shitur pjesët më të rëndësishme të skuadrës. Kjo është diçka me vlerë në këtë krizë ekonomike në përgjithësi”, - ka theksuar ish-sulmuesi i Lacios, kombëtares italiane dhe disa skuadrave të tjera, tani analist futbolli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
