.png)
Gjykata ka lënë në fuqi masën e sigurisë "arrest me burg" për Ardian Çapjan, i dyshuar si kreu i një grupi të fuqishëm kriminal në Elbasan dhe i akuzuar si bashkëpunëtor i vrasjes së dy personave para 9 vjetësh.
Ai është njohur me masën e sigurisë në ambientet e repartit të kardiologjisë në Tiranë, ku ndodhet prej ditësh i shtruar për probleme me zemrën.
Çapja ndodhet në gjende të qëndrueshme, por duhet të qëndrojë në kushte spitalore.
LEXO EDHE:
- Ardian Çapja arrestohet për vrasjen e Gentian Beqirit në 2012
- Ekskluzive / Dëshmitari i drejtësisë që i arrestoi Çapjat: E kisha shok Gentian Beqirin, më paguan ta vrisja
Më herët, QSUT është blinduar këtë të enjte nga forcat speciale, pasi kanë shoqëruar të pandehurin Çapja, i arrestuar para 4 ditësh në Elbasan gjatë një operacioni të kryer nga forcat RENEA.
Ai akuzohet si porositësi i vrasjes me armë zjarri në vitin 2012 të shtetasit Gentian Beqiri dhe Nezir Beqiri, babë e bir.
Avokatët e Ardian Çapjas, prokurori dhe gjyqtarja Pajtime Fetahu, e cila caktoi masën e sigurisë, kanë mbërritur në ambientet e QSUT-së nën mbrojtjen e forcave të shumta të policisë.
Arrestimi i Ardian Çapjas, është bërë pas dëshmisë së një bashkëpunëtori të drejtësisë të arrestuar pak kohë më parë në këtë qytet.
Vrasja e Gentian dhe Nezir Beqirit u krye në banesën e këtyre të fundit, pasi i riu ishte i paralizuar dhe në masën e sigurisë “arrest shtëpie”.
Edhe pse ruhej me policë në hyrje të shtëpisë, autorët mundën të shmangnin kontrollet dhe të kryenin krimin.
Të arrestuar për këtë ngjarje janë shtetasit: Ervis Bardhi, Olsi Leku, Etjen Cani dhe Klajdi Dokoli.
Burimet nga grupi hetimor bënë të ditur se përfshirja e Ardian dhe Florenc Çapjas në vrasjen e dyfishtë të ndodhur në vitin 2012, është zbardhur nga dëshmitë e një të penduari të drejtësisë që është arrestuar për këtë ngjarje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
