.png)
Pavarësisht tensioneve të vazhdueshme që rrjedhin nga problemet e fundit ligjore të Binance(kompani blockchain), Bitcoin dhe kriptovalutat e tjera kryesore po vazhdojnë rritjen.
Bitcoin u ngjit me 3.9% gjatë 24 orëve të fundit mbi nivelin e 28 mijë dollarëve ndërsa gjatë dtëve të para të javës qe në nivelin 27 mijë dollarë pasi Komisioni i Tregtisë së të Ardhmeve të Mallrave (CFTC) ngriti një padi kundër Binance duke e akuzuar për ofrimin e derivateve kripto të paregjistruara.
Bitcoin është rritur me rreth 21% në mars, duke tejkaluar asetet e tjera si etheri, aksionet dhe ari.
“Tregu ka reaguar pozitivisht pavarësisht historisë së CFTC,” tha Joe DiPasquale, CEO i menaxherit të aseteve kripto, BitBull Capital, për CoinDesk në një email.
Ether, kriptomonedha e dytë më e madhe për nga vlera e tregut u rrit me 1.1% gjatë ditës. Indeksi i Tregut CoinDesk , i cili mat performancën e përgjithshme të tregut të kriptove, së fundmi u rrit me 3.4%.
Bitcoin ka përfituar edhe nga njoftimi se Kina përfundoi tregtinë e saj të parë të gazit natyror të lëngshëm (LNG) të vendosur në juan me Emiratet e Bashkuara Arabe.
"Kjo forcon argumentin se Bitcoin mund të përdoret si një mjet këmbimi në tregtitë e mëdha ndërkufitare të energjisë në të ardhmen e afërt," tha ai.
CFTC pretendon se Binance dhe CEO i saj kanë shkelur ligjet e tregtisë në SHBA, ndër të tjera, duke i trajnuar fshehurazi klientët "VIP" brenda Shteteve të Bashkuara se si të shmangin kontrollet e pajtueshmërisë.
Komisioni, i cili rregullon tregtimin e derivateve në SHBA, tha se kompania dhe CEO i saj, Changpeng Zhao , "udhëzuan punonjësit dhe klientët e saj që të anashkalonin kontrollet e pajtueshmërisë në mënyrë që të maksimizonin fitimet e korporatës".
Burimi: Coindesk/ Përshtati: Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
