Ky fillim viti ka filluar me një bilanc tragjik për Shqipërinë. Në vetëm 7 ditët e para të vitit 2020, 10 persona kanë humbur jetën.
Deri më tani 3 persona janë vrarë në atentate, ndërsa 7 të tjerë kanë humbur jetën në aksidente rrugore.
Atentati më i fundit ishte ai i ndodhur ditën e sotme në Rrëshen, ku nga tarraca e një pallati u vra me snajper pronari i një televizioni lokal.
Mësohet se 47-vjeçari Kastriot Reçi është qëlluar me snajper sapo ka dalë nga lokali i tij në Rrëshen. Kjo ishte vrasja e dytë për këtë vit. Kujtojmë se pak para mesnatës së 6 janarit një biznesmen u vra në Bajram Curri. Sikur të mos mjaftonte kjo një grua është torturuar në Mallakastër dhe është hedhur në rezervuarin e ujit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.