Bien studimet, efektet e alkoolit mbeten të paqarta

Hulumtimet mbi konsumimin e alkoolit janë ende të paqarta . Nuk ka dyshim se të konsumosh disa gota alkool njëra pas tjetrës janë të dëmshëm për shëndetin. Por jo kur bëhet fjalë për pije të moderuar, thonë disa studime.

Industria e alkoolit ka përqafuar prej kohësh nocionin se të konsumosh alkool në sasi të moderuar , jo vetëm që nuk do t’ju dëmtojë , por në fakt është i mirë për shëndetin tuaj. Kjo hipotezë u bë mjaft e përhapur në fillim të viteve 1990, kur në një studim i kryer tek një grup njerëzish francez u zbulua se njerëzit që konsumonin verë të kuqe në sasi të moderuar , ishin më pak të prekur nga sëmundjet se ata njerëz që kishin një dietë të pasur me ushqime të ndryshme.

Shumë studime kanë treguar se njerëzit që konsumojnë alkool, si birrë dhe verë, në mënyrë të moderuar janë më pak të rrezikuar nga sëmundjet e zemrës, se sa të tjerët që nuk pinë farë , ose që e tejkalojnë me sasinë e alkoolit.

Siç u raportua pak kohë më parë në Lancet, një studim i bërë në 19 vende të ndryshme, zbuloi se të konsumosh, një gotë alkool në ditë, ulë rrezikun e sulmeve të zemrës, por rrit rrezikun e problemeve të tjera kardiovaskulare. Studimi thotë se nuk ka përfitime neto në jetëgjatësi.

Një tjetër hulumtim i bërë mbi grup njerëzish që pinë edhe ata që nuk pinë alkool zbuloi, se njerëzit që kanë probleme të ndryshme shëndetësore, janë të kujdesshëm në konsumimin e alkoolit, ndërsa të tjerët që nuk kanë probleme shëndetësore nuk janë të kujdesshëm në këtë pjesë.

"Njerëzit që pinë në sasi të moderuar janë më të shëndetshëm se njerëzit që nuk pinë,“, thotë epidemiologu social i Minesotës Toben Nelson. U deshën 10 vite për të gjykuar këtë çështje, ku u shqyrtuan dy grupe njerëzish, ata që pinin në mënyrë të moderuar, dhe sa të prekur ishin nga sëmundjet kardiovaskulare, dhe ata që nuk kontrollonin sasinë e alkoolit që konsumonin. Ky gjyq u sponsorizua nga instituti Kombëtar për abuzimin me alkoolin (NIAAA), pjesë e Instituteve Kombëtare të Shëndetit.

U shqyrtuan rreth 7800 raste nga vende të ndryshme të botës, ku pjesa me e madhe e njerëzve ishin mbi 50 vjeç, që nënkupton se kjo grup moshë janë më të prekur nga sëmundjet kardiovaskulare. Vullnetarët u caktuan në dy grupe. Njëri grup që konsumonte pije alkoolike çdo ditë për 6 vite rresht, dhe grupi tjetër që nuk konsumonte fare alkool. Qëllimi ishte për ta parë nëse pirja e alkoolit në mënyrë të kontrolluar e ulë shkallën e sëmundjeve të zemrës.

PIH përfundoi projektin, duke thënë se rezultatet e gjykimit nuk ishin të sakta, kjo për shkak se pjesa më e madhe e fondit për studim kanë ardhur nga industria e alkoolit, e drejtuar përmes një fondacioni jofitimprurës. Ky grup nga Fondacioni për Institutet Kombëtare të Shëndetësisë, supozohet të jetë një zjarr në mes të industrisë dhe studiuesve, por një botim në mars te këtij viti në New York Times dhe një hetim i brendshëm i NIH zbuloi se studiuesit kishin angazhuar komunikim të gjerë me përfaqësuesit e industrisë para se çështja të gjykohej .Hetimet e NIH gjithashtu gjetën defekte gjatë studimit. Nuk kishte pjesëmarrës të mjaftueshëm në studim dhe nuk zgjati aq sa duhet, tha Michael Lauer, një kardiolog dhe zëvendës drejtor për hulumtime jashtëgjyqësore në NIH. Për shembull, kanceri mund të zgjasë shumë vite për tu identifikuar si sëmundje. Raporti i NIH tha se gjyqi, siç është projektuar, "tregon përfitimi, dhe nuk zbulon dëmet që shkaktohen”. Marion Nestle, një profesor i shkencave ushqimore në Universitetin e Nju Jorkut, tha: "Ky nuk është një studim i hapur. Ky është hulumtimi i marketingut. "

Hetuesi kryesori këtij studimi , Kenneth Mukamal, një epidemiolog me Qendrën Mjekësore Beth Israel Deaconess të Harvardit, nuk iu përgjigj një kërkese intervistimi. Por ai lëshoi një deklaratë pas vendimit të NIH, duke thënë se ai dhe ekipi i tij "qëndrojnë plotësisht dhe me forcë prapa integritetit shkencor" të gjykimit të tyre.

Faktorët kulturor

Alkooli luan një rol të rëndësishme në kulturën amerikane, sa që është e lehtë të harrohet se 98 vite më parë ndalimi i shitjes së alkoolit u ndryshua në Kushtetutë. Një në tre të rritur amerikan nuk pi farë alkool. Por duket se njerëzit në Amerikë janë të ndarë në dy ekstreme, në ato që nuk pinë fare, dhe pjesa tjetër, që janë të zhytur në alkool.

CDC llogarit se 88,000 amerikanë vdesin çdo vit nga shkaqet që lidhen me alkoolin, të cilat përfshijnë aksidente automobilistike, kancer të gjirit dhe mëlçisë.

Alkooli është një përbërje kimike që ka efekte të shumta dhe komplekse në shumë pjesë të trupit, prandaj është e pamundur të zvogëlohen efektet e saj, pozitive ose negative, në një metrikë të thjeshtë. Një përshkrim i përgjithshëm i alkoolit është se ajo është një sistem qendror nervor depresiv. Kjo pengon perceptimin dhe ngadalëson kohën e reagimit. Këto efekte mund të rrisin rrezikun e aksidenteve ose ta bëjnë personin të dhunshëm dhe abuzues. "Në nivele ekstreme të konsumit, alkooli mund të mbyllë edhe funksionet më themelore të trupit, siç është frymëmarrja", thotë Nelson, hulumtues i Minesotës. Alkooli shkakton kancer të gojës, fytit, laringut, ezofagut, zorrës së trashë dhe rektumit, mëlçisë dhe gjirit, sipas CDC. Konsumi i alkoolit përfshihet në udhëzimet dietike në SHBA, të cilat thonë se nëse nuk pini më parë, nuk duhet të filloni diete, por vetëm në mënyrë të moderuar. Kjo nënkupton , jo më shumë se dy gota në ditë tek një burrë, dhe një gotë në ditë tek një grua. Gratë shtatzënë nuk duhet të konsumojnë fare, pasi alkooli dëmton zhvillimin e fetusit.

Vende të ndryshme kanë udhëzime të ndryshme për pijen në sasi të moderuar. Një variant i shquar është në Britani, i cili nuk lëshon standarte të dallueshme për burrat dhe gratë. Studimi i botuar në Lancet mbështeti këtë qasje, studimi tregoi burrat dhe gratë që konsumuan rreth 100 gram alkool në javë , filluan të kenë probleme shëndetësore. 100 gramë alkool është i barabartë me 7 birra, ose 5 gota verë. Udhëzimet e SHBA-ve marrin parasysh faktin se meshkujt janë mesatarisht më trupmëdhenj se gratë dhe kanë më shumë ujë si pjesë të masës së trupit të tyre. Pesha mesatare e një burri të rritur amerikan është 96 kg, krahasuar me 69 kg për gruan. Aaron White, shkencëtari kryesor në NIAAA, tha se burrat janë mesatarisht 60 për qind ujë dhe gratë janë 50 për qind ujë. Sipas përllogaritjes së White burrat mund pinë rreth 1.5 herë më shumë sesa gratë për të arritur përmbajtjen e njëjtë të alkoolit në gjak. Por jo dy herë më shumë. Midis shkencëtarëve që argumentojnë se pirja e moderuar siguron një përfitim shëndetësor është epidemiologu R. Curtis Ellison i Universitetit të Bostonit të Mjekësisë. Në kampin e kundërt është Michael Holmes, një epidemiolog i Universitetit të Oksfordit i cili udhëhoqi një studim të vitit 2014 dhe që nuk gjeti asnjë dobi nga alkooli . Alkooli mund të shkaktojë një rritje të presionit të gjakut, kalcifikimin koronar-arterie dhe yndyrën më të lartë të trupit, të gjithë faktorët në sëmundjet e zemrës, tha ai. "Barra e provave është në drejtim të alkoolit që ka një efekt të dëmshëm për sëmundjet e zemrës, madje edhe në sasi të vogla", tha ai. Lauer tha se kur pacientët e pyesin nëse pirja e moderuar është e mirë për ta, ai mund të përgjigjet vetëm: "Nuk e di". Ai tha se do të ishte e vështirë të ngrinte një gjykim të përsosur klinik, sepse alkooli ka kaq shumë efekte të ndryshme. Por thotë se është e qartë se pirja e alkoolit në mënyrë të pakontrolluar shkakton shumë dëme duke përfshirë alkoolizmin, ulcerat e stomakut, gjakderdhje në traktin e zorrëve dhe sëmundjen e mëlçisë. Lauer shtoi se përveç sëmundjeve që shkakton , alkooli ka edhe pasoja sociale, gje që nënkupton shumë martesa të shkatërruara vetëm për shkak të alkoolit. Brewer i CDC thotë se është koha të mendojmë për qasje të reja për të frenuar pijen e tepërt. Ndër mundësitë është rritja e taksave për alkoolin, kufizimi i shitjeve të alkoolit, kufizimi i orëve mund të shitet alkooli dhe krijimi i një fushate ndërgjegjësimi publik mbi rreziqet e konsumimit të alkoolit.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.