.png)
Nga Gazeta 'SI' - Në muajt janar-shkurt të këtij viti, të paktën 1.400 shqiptarë kërkuan azil në një vend të Bashkimit Europian.
Të dhënat e publikuara nga Agjencia e Emigracionit në BE, tregojnë se azilkërkuesit shqiptarë “po shterojnë” dhe kanë rënë me 17% nga një vit më parë.
Agjencia tregon se edhe vetë vendet pritëse kanë një tolerancë më të ulët ndaj azilkërkuesve dhe kanë pranuar t’i japin statusin e azilantit vetëm 56 shqiptarëve për periudhën janar-shkurt 2024.
Franca, Italia dhe Gjermania mbeten destinacionet më të preferuara për azilkërkuesit shqiptarë.
Treguesi ka rënë për të gjithë azilantët tregon Agjencia dhe për dy muajt e parë ka patur vetëm 71 mijë aplikime nga e gjithë bota. Sirianët, afganët dhe turqit dominojnë kërkesat për azil në vendet e BE-së.
Kriza e emigracionit që është rikthyer në vend që pas pandemisë po cënon të ardhmen e vendit. Raporte të autoriteteve ndërkombëtare dhe jo vetëm bëjnë thirrje për adaptimin e një strategjie që do të mbajë trurin shqiptar në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
