.png)
Gazeta Si – Napoli e ka zgjedhur njeriun, tek i cili do të besojë për rindërtimin teknik të skuadrës. Nuk është Igli Tare, sikurse ka shkruar shtypi italian kohët e fundit, por Xhovani Mana. Bëhet fjalë për bashkëpunëtorin më të ngushtë të Kristiano Xhuntolit te Juventusi, ‘shpirti’ dhe ‘truri’ i ‘Next Gen’.
Sezonin e fundit 35-vjeçari ka mbajtur postin e ‘Head of First Team’ në krah të drejtorit teknik. Lajmi është bërë i ditur nga “Corriere dello Sport”, që saktëson se marrëveshja pritet të formalizohet ditët në vazhdim.
Mana e ka vlerësuar interesimin serioz të Napolit dhe është gati për sfidën, por duhet të gjejë mirëkuptimin e Juventusit dhe të shefit të tij Xhuntoli, i cili la Napolin dhe kaloi te bardhezinjtë sezonin e kaluar.
Në këtë mënyrë, bie një pistë e mundshme për të ardhmen e Igli Tares, ish-kapitenit të Kombëtares dhe ish-drejtorit sportiv të Lacios. Që pas largimit nga ky klub, për Taren janë përfolur shumë skuadra të tjera, mes tyre edhe Fiorentina e Napoli, por ky i fundit tashmë ka rënë poshtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
