Është betuar sot kryetari i bashkisë Kukës, Safet Gjici dhe është konstituuar Këshillit Bashkiak pa kundërshti dhe protesta nga ana e PD-së.
Në ceremoninë e konstituimit të këshillit bashkiak dhe betimit të kryetarit të Bashkisë Kukës ka marrë pjesë edhe ministri në Detyrë për Europën dhe Punët e Jashtme, Gent Cakaj.
Në fjalën e tij, kryetari i ri i Bashkisë Kukës, Safet Gjici tha se do të punojë për të zgjidhur problemet që kuksianët përballen çdo ditë.
Gjici falënderoi kuksianët për zgjedhjet e 30 qershorit, pasi nuk u shënua asnjë incident.
“Bashkërisht me përgjegjësi të lartë dhe vetëdije të fortë, ne do të drejtojmë me qytetarët Bashkinë e Kukësit, ndonëse opozita jo parlamentare vendosi të mos marrë përgjegjësi para qytetarëve. Kjo nuk do të thotë se përgjegjësia jonë është më e vogël, përgjegjësia jonë është maksimale dhe pa dallim partiak, pa dalim idesh apo hatërmbetje”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.