.png)
Nga Gazeta Si - Partia Demokratike e Lulzim Bashës ka ankimuar në Kolegj vendimin e KQZ që e la vetëm me një komisioner për zgjedhjet e 24 shtator për kryetarin e bashkisë së Kukësit.
Zëdhënësja e PD, Mirela Karabina e cilësoi si një vendim politik, duke u shprehur se KQZ ka vepruar në kundërshtim me ligjin.
"Nëse më 14 maj ndodhi transferimi politik i votës nga Foltorja tek Partia e Lirisë, sot Komisioneri po bën transferimin ligjor duke i konsideruar votat e demokratëve si të LSI-së.
Kodi Zgjedhor përcakton qartë se anëtarët e KZAZ, ndahen mes shumicës parlamentare me opozitën parlamentare", tha Karabina. Sipas saj, vendimi i Komisionerit Celibashi konfuzon qëllimisht demokratët dhe elektoratin opozitar të Kukësit duke cënuar integritetin e procesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
