.png)
Gazeta Si – Mbrëmje ‘Jo’ për disa nga futbollistët e Kombëtares që luajnë në Itali. Ishte një derbi mes tyre në fakt ndeshja e sotme mes Empolit dhe Leçes, që përfundoi 1-1. Plot 6 lojtarë kuqezi ishin pjesë e kësaj sfide, 3 titullarë (Berisha dhe Ismajli me Empolin dhe Ramadani me Leçen) dhe 3 në stol (Shpendi tek Empoli dhe M.Berisha e Dermaku te Leçe.
Më e errët ishte kjo mbrëmje për Etrit Berishën, autor i një gafe që solli golin e Leçes. Portierit kuqezi i kaloi topi në mes të këmbëve dhe shtypi sportiv italian nuk e ka falur, sikurse pritej. “Nota 5. Evident faji i tij në golin e Bandës, topi i kalon mes këmbëve”. Ky është vlerësimi për Berishën, të cilin e shpëtoi një autogol i Leçes, pasi humbja do ta rëndonte më shumë gabimin e tij.
Ardian Ismajli është vlerësuar me notën 6 për paraqitjen e bërë në këtë ndeshje. Ylber Ramadani, si rrallëherë, është vlerësuar me notën 5.5, çka do të thotë se edhe ai ishte në një ditë të keqe, madje u ndëshkua edhe me një karton të verdhë.
Sulmuesi i Shpresave, Stiven Shpendi, u fut në fushë që në pjesën e parë, pas dëmtimit të Kaputo. Edhe ai nuk mundi të bënte diçka pozitive dhe u vlerësua me notën 5.5. Një ndeshje jo e mirë në total për kuqezinjtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
