Gazeta Si – Ka bërë bujë ajo banderolë e tifozëve të AEK-ut në ndeshjen e së enjtes ndaj Ajaksit. “Kosova është Shqipëri”, - shkruhej me gërma të mëdha në atë banderolë. Një qëndrim i papritur në fakt, duke ditur se Greqia dhe Serbia kanë marrëdhënie të mira mes tyre.
Kjo banderolë ka shkaktuar zemërim të madh në Serbi, ku qëndrimi i tifozëve të AEK-ut është konsideruar një ‘thikë pas shpine e vëllezërve’. Ngjarja pati reaksion të fortë në shtypin serb, që nuk e priste kurrsesi atë banderolë.
Ultrasit e AEK-ut kanë reguar në këtë mënyrë edhe ndaj rivalëve të Olimpiakosit, që e quajtën Kosovën Serbi. Kujtojmë që kohët e fundit ka pasur shpesh qëndrime të tifozëve ballkanas pro Serbisë. Rasti që bëri bujë ishte ai i ndeshjes me Rumanisë dhe Kosovës në Bukuresht, ku parulla ‘Kosova është Serbi’ ndërpreu ndeshjen për shumë minuta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.