.png)
Me akuzën e kontrabandës dhe shpërdorimit të detyrës, policia e Gjirokastrës ka vënë në pranga një doganier të doganës së Kakavijës dhe dy shtetas të tjerë. Në operacionin e koduar “Befasia”, të tre personat janë vënë në pranga në flagrancë.
Doganieri i arrestuar me inicialet M.M 60 vjeç dyshohet se kundrejt një sasie parash ka lejuar që shtetasit M.B. dhe Xh.M. të kalonin mallrat në Shqipëri pa paguar detyrimet doganore.
Në momentin e arrestimit përgjatë aksit nacional Gjirokastër-Kakavijë, gjatë kontrollit të ushtruar në makinë të tre personave iu janë gjetur mallrat e konfiskuara.
Bëhet me dije se një sasi e konsiderueshme me pije energjike dhe qumësht u bllokuan nga ‘uniformat blu’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
