.png)
Lulzim Basha ka reaguar pas deklaratës së Kryeministrit Edi Rama që e konsideroi emëtimin e eurobondit 650 mln euro me kushte të favorshme dhe ironizoi me akuzat e hedhura nga opozita për gjendjen e ekonomisë.
“Shqipëria e zhytur në borxhe kurse Kryeministri mburret se merr borxh të ri! Me nivel borxhi 74 për qind, me detyrime të prapambetura 600 mln euro, me koncesione abuzive 2,2 mld euro dhe me krizën më të thellë ekonomike me rënie 9 për qind, sot mburret se po i shton çdo shqiptari edhe një barrë të re!”, shkroi Basha.
Kreu i opozitës thotë se shpëtimi i vetëm për ekonominë nga ajo që e cilëson krizë e thellë është largimi i Ramës.
“Ka ardhur koha për ta larguar Ramavirusin, që e zhyti ekonominë në krizën më të thellë, që mbylli bizneset, shpunësoi e largoi shqiptarët. Ka ardhur koha për të parë përpara dhe për ta bërë Shqipërinë vend normal e të zhvilluar”, shkruan ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
