.png)
Kryedemokrati Lulzim Basha e nis sërish ditën e sotme me një reagim për Teatrin Kombëtar.
Sipas Bashës, projekti i Teatrit nuk është gjë tjetër veçse një projekt kriminal i treshes Rama-Veliaj-Mafia. Ndërkohë e sulmon kryeministrin edhe për rastin e ish-kryebashkiakut të Durrësit, Vangjush Dako, që iu mohua viza nga SHBA, duke i vënë në pah mosreagimin për rastin në fjalë.
Në një video të publikuar në “Facebook”, nënvizohet se kryeministri nuk ka thënë asnjë fjalë pas vendimit të DASH që i ndalon ish-kryebashkiakut të Durrësit, dhe familjes së tij hyrjen në SHBA.
“Afera e 6 kullave 200 milionë euro e treshes Rama-Veliaj-Mafia e Ndërtimit dhe Drogës është obsesioni dhe makthi i hajdutit psiqik që akoma nuk ka belbëzuar asnjë fjalë për ortakun dhe bankomatin e tij personal Vangjush Dako”, shkruan Basha në “Facebook”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
