.png)
Kryedemokrati Lulzim Basha akuzoi kryeministrin Rama se po bën gjithçka që të zhvendosë vëmendjen nga reagimi qytetar.
Nga protesta e radhës të banorës të zonës së “Astirit”, ai kërkoi nga këta të fundit që të mos dorëzohen, duke siguruar edhe mbështetjen e opozitës në këtë kauzë.
“Edi Rama ka kohë që ka shkelur vijën e kuqe. Asnjë zhvillim nuk do të sjellë ky projekt. Admirim për kurajon e banorëve. Sot jemi në një betejë kundër vjedhjes ku janë ngritur edhe studentët, - tha Basha. -
Kjo është një revoltë qytetare që po vlon në çdo cep të qytetit dhe në qytetet e tjera. Unë kam një mesazh se kështu beteja do fitohet. Mos u dorëzoni se të gjithë së bashku jemi më të fortë dhe do triumfojmë kundër vjedhjes tek Unaza, në universitet dhe duke rikthyer fatin tuaj. Jam i frymëzuar nga qëndresa juaj”, u shpreh kreu i PD.
Ai tha se Prokuroria hesht përballë asaj që e quajti vjedhje të hapur me projektin e Unazës së Re, ku sipas tij Rama dhe Veliaj do të përfitojnë 40 milionë euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
