Gazeta Si – Një përforcim me vlera për Barcelonën në fundin e merkatos. Klubi katalanas ka mbyllur marrëveshjen me Mançester Sitin për afrimin e portugezit Zhoao Kanselo. Dy klubet kanë rënë dakord për një huazim me të drejtën e blerjes.
Kanselo sezonin e fundit luajti për Bajern Mynih, ku gjithashtu kaloi në huazim, por bavarezët vendosën për të mos e ushtruar të drejtën e blerjes. Tani mbrojtësi anësor kalon te skuadra e Ksavit, që kompletohet me një element të rëndësishëm me eksperiencë.
Futbollisti 29-vjeçar nuk ka pasur marrëdhënie shumë të mira me trajneri Pep Guardiola, ndaj dhe sezonin e fundit kaloi në Gjermani. Tani portugezi do të jetë nën urdhrat e trajnerit Ksavi Hernandez, që do të ketë një ‘armë’ më shumë për objektivat sezonalë. Shifrat e këtij transferimi nuk janë bërë publike ende.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.