.png)
Banka e Shqipërisë ka licencuar dy institucione financiare jo banka për të operuar në tregun e parasë elektronike dhe për t’i emetuar ato në para tradicionale. Institucionet janë “Rubicon sh.a” dhe “Velox Pay”.
Dy kompanitë do të kenë për detyrë shërbimin e depozitimit të parave, transaksionet, dërgesa dhe emetime. Këto janë dy licencat e para që Banka jep në tregun e parasë elektronike, përfshirë monedhat digjitale dhe po ashtu hapat e parë drejt centralizimit të saj.
Ndër vendimet tjera të Këshillit Mbikëqyrës, është rishtypja e monedhës metalike nga fillimi “10 lekë” dhe rishtypje e kartëmonedhës “5.000 lekë”, si ajo e 2017-s.
Gjithashtu, Këshilli i BSH-së ka vendosur të ndalojë përsëri shpërndarjen e fitimit të bankave tregtare deri më 31 dhjetor 2022.
Ndërkohë në hyrje të vitit 2022, Autoriteti i Mbikëqyrjes Financiare miratoi rregulloren për tregjet financiare elektronike, nga ku subjektet e interesuara mund të merrnin licenca sipas 3 kategorive.
AMF mund të japë për bursat DLT licenca të kategorisë A, ku mund të tregtohen vetëm token digjital shërbimesh, token digjital asetesh dhe token digjital pagesash; licenca të kategorisë B, ku krahas veprimtarisë së lejuar për kategorinë A, mund të tregtohet gjithashtu para FIAT dhe monedha virtuale; licenca të kategorisë C, ku krahas veprimtarisë së lejuar për kategorinë A dhe B, mund të tregtohen gjithashtu edhe token digjital të titujve. Bursa DLT ndalohet të kryejë tregtim për llogari të vet dhe tregtim bazuar në parimin e përputhshmërisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
