.png)
Nga Gazeta ‘SI’ - Banka e Shqipërisë ka zhvilluar operacionin e radhës të ndërhyrjes në tregun e valutës, duke blerë 10 mln euro, me një kurs mesatar 116.66 lekë.
Ankandi i zhvilluar të hënën e 5 dhjetorit është i parafundit për këtë vit, që pritet të plotësojë shumën e synuar të blerjeve nga BSH, 140 deri 200 mln euro.
Qëllimi i Bankës kur ndërhyn në tregjet valutore, është të stabilizojë kursin e këmbimit dhe të shmangë çrregullimet e tregut valutor, që në këtë rast monedha euro në vend është zhvlerësuar dhe t’i shtojë ato në rezervën valutore të bankës.
Kjo ndërhyrje nuk duket të ketë ndikuar në nivelin e euros, e cila ditën e blerjes këmbehej me 116.54 lekë, që në fakt është niveli më i ulët i euros që nga muaji nëntor kur luhatjet ishin më të rralla dhe ajo pati nisur stabilizimin, edhe në tregjet e jashtme. Sot 6 dhjetor, euro këmbehet me 116.57 lekë.
Guvernatori i Bankës së Shqipërisë, ripërsëriti dje se euro vazhdon të jetë e ulët përshkak të mbiçmimit të lekut dhe rritjes së qarkullimit të saj në treg nga turizmi e investimet e huaja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
