.png)
Nga Gazeta ‘SI’ – Në një raport dedikuar Shqipërisë, Banka Botërore propozon dhënien me koncesion të transportit publik.
BB sugjeron që Shqipëria të aplikojë modelin e koncesionit ku ofruesit paguhen në bazë të treguesve të shërbimit të ofruar (kontrata të bazuara në performancë), duke synuar përmirësimin e shërbimit dhe përshpejtimin e kalimit në autobusë elektronikë.
Qëllimi i raportit është t’i ofrojë Shqipërisë një “recetë” se si të adaptohet me ndryshimet klimatike dhe të fokusohet në zgjidhet “green”, të gjelbërta.
Lidhur me këtë, Banka propozon vendosjen e një takse për mjetet sipas nivelit të karbonit, me qëllim rritjen e përdorimit të mjeteve të pastra. Po ashtu, thekson se duhet të vendoset detyrim ligjor që flotat e autobuzëve, taksive të jenë elektrike.
Ndër të tjera, BB thotë se Shqipërisë i duhet një riformim i ndërmarrjeve shtetërore të transportit teksa rikthekson nevojën për të zhvilluar pjesëmarrjen e sektorit privat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
