.png)
Ministrja e Infrastrukturës Belinda Balluku gjatë një vizite në selinë e Bankës Botërore në Uashington ka prezantuar projektin më të ri që u kërkua të mbështetet nga Banka Botërore, “Trafic Management Center”.
Projekti parashikon ngritjen e një qendre kontrolli, e cila do të menaxhojë aspektin e sigurisë rrugore, por edhe kapacitetet përpunuese të trafikut në të gjithë rrjetin e akseve rrugore shqiptare.
Ky projekt parashikon gjithashtu krijimin e vizibilitetit përmes kamerave CCTV, në çdo kënd të akseve rrugore. Po ashtu parashikohet ngritja e një sistemi komunikimi përmes radios, e cila prevalon në rast njoftimesh për aksidente apo njoftime të tjera të rëndësishme dhe ndërhyn me prioritet në radiot e drejtuesve të automjeteve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
