Gazeta Si – Pas asaj fitoreje ndaj Dinamos së Zagrebit pritej që Ballkani të arrinte një tjetër sukses në stadiumin ‘Fadil Vokrri’, por nuk ndodhi kështu. Kampionët e Kosovës janë mundur 1-2 nga kazakët e Astanës në ndeshjen e tretë në grupet e Ligës së Konferencës.
Duhet theksuar se skuadra e drejtuar nga trajneri Ilir Daja ishte pa fat në këtë ndeshje, ku humbi shumë raste para portës kundërshtare. Gjithçka u vendos që në pjesën e parë, kur u shënuan të tre golat.
Astana kaloi në avantazh që në minutën e 7-të. Reagimi i Ballkanit ishte i menjëhershëm, me kapitenin Kuç që barazoi shifrat pas një minute. Kur pritej goli i Ballkanit, miqtë goditën sërish me anë të një goditjeje këndi, duke shënuar golin e dytë.
Më pas djemtë e Dajës humbën raste me Gripshin në fundin e pjesës së parë dhe në të dytën me Berishën. Një humbje e pamerituar për Ballkanin, që pas 3 ndeshjesh ka 3 pikë dhe mban vendin e 3-të. Kualifikimi është ende i hapur, por gjithçka bëhet më e vështirë pas kësaj humbjeje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.