Mazhoranca i është përgjigjur pozitivisht apelit të Presidentit Meta për dialog me opozitën. I pari që ka reaguar është kreu i Grupit Parlamentar socialist, Taulant Balla, i cili shprehet se shumica është dhe mbetet e gatshme të ulet në një tryezë të përbashkët për të zgjidhur krizën politike edhe me ndërmjetësiimin e Presidentit.
“Dialogu është gjithmonë i mirëpritur, nuk ka ndodhur kurrë që PS të mos jetë pjesë e një dialogu, qoftë me ndërmjetësimin e Presidentit. Ne jemi për dialog për çështje të rëndësishme si për negociatat, kemi qenë për dialog edhe për reformën zgjedhore, por nuk mund të bëjmë negociata në kurriz të demokracisë”,- tha Balla për emisionin “Opinion”.
Sipas tij, “fajtor kryesor të kësaj situate janë ata që morëm atë vendim. Jemi në fazën që një pjesë e tyre po zëvendësohen. Opozita përsëri është e përfaqësuar në Kuvend, deputetët që po rimarrin përgjegjësi me apo pa ndërmjetësim është i mirëpritur, por jo negociata në kurriz të demokracisë”.
Nëse ish-deputetë të LSI-së janë shprehur të gatshëm për një dialog të përbashkët mazhoraancë-opozitë me ndërmjetësimin e Metës, mbetet të shihet qëndrimi nga përfaqësuesit e Partisë Demokratike.
Pak ditë më parë, një delegacion prej 7 eurodeputetësh zbarkuan në Tiranë, ku patën takime intensive me qeverinë dhe opozitën, por edhe kjo lëvizje nuk solli asnjë përmirësim të klimës politike në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.