Presidenti Ilir Meta ktheu Kodin e ri Zgjedhor në Kuvend, por kryetari i grupit parlamentar i PS-së, Taulant Balla deklaroi nga Elbasani se dekreti i tij do të rrëzohet.
"Më vjen keq që presidenti i Republikës mori kohën për të vonuar procedurat parlamentare. Ne nuk kemi asnjë ditë për të humbur.
Kodi Zgjedhor është një kod i plotë i cili ka transferuar qasjen dhe i ka dhënë një fuqi më të madhe popullit të zgjedhë jo vetëm kryetarin dhe partinë politike që do, por të zgjedhe edhe listën e kandidatëve që do. Çdo vonesë që vjen nga një president mistrec dhe hileqar unë mendoj që i kemi të gjitha mundësitë ta kalojmë.
Reforma zgjedhore është sukses. Tani qytetarët nuk do të kenë një votë, por dy vota meqë këtë e donte dhe presidenti", tha Balla nga Elbasani.
Balla ka një përgjigje edhe për akuzat lidhur me inceneratorët e Elbasanit.
"Në Elbasan përgjigjen e japin banorët. Të gjithë e mbajnë mend fushën e plehrave në Elbasan kryesorja për sëmundje kanceroze. Nëse dikur Elbasani mbulohej nga tymi i plehrave sot situata është krejt e kundërt. Lulzim Basha i premtoi Elbasanit se do ta zgjidhte problemin e ndotjes në 2009 dhe asgjë nuk bëri”, tha ai. I pyetur për fillimin e hetimeve nga SPAK, Balla tha se drejtësia duhet të bëjë detyrën e saj të pavarur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.