Nga Gazeta 'SI' - Në vitin 2023 Autoriteti i Konkurrencës arkëtoi 15.5 mld lekë nga gjobat e vendosura drejt subjekteve që nuk kanë respektuar ligjin për konkurrencën.
Sipas raportit vjetor 2023, AK ka hapur 23 hetime të thelluara gjatë vitit të shkuar dhe gjobiti vetëm 5 të tilla, ku konkludoi shkelje, Gega Oil, AIR BP Albania, AGNA, Info-Telecom dhe Tirana International Development. Shumë nga çështjet e tjera janë ende nën hetim.
Autoriteti është paditur nga 12 kompani gjatë 2023-shit për shkak të hetimeve që ka kryer në këto subjekte dhe Gjykata ka rrëzuar 4, ka pranuar 2 dhe po shqyrton 6 të tjera.
Më herët, kreu i këtij Autoriteti, Denar Biba, përballë akuzave për mosreagim në tregjet ku ka abuzime, tha se dhe kur Komisioni i Konkurrencës vëren shkelje dhe vendos masë ndaj subjekteve shkelëse, Gjykata i rrëzon ato.
AK tregon në raport se gjatë 2023-shit, kanë ndodhur 76 transaksione midis ndërmarrjeve, apo siç njihen përqëndrime (blerje) nga të cilat 22 cilësohen si të paligjshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.