Një plagosje me armë zjarri ndodhi sot pasdite në qendër të qytetit të Vlorës. Sipas policisë ngjarja ka ndodhur rreth orës 17:40, në lagjen "Pavarësia" ku është qëlluar me armë zjarri në drejtim të një automjeti e për pasojë ka mbetur i plagosur një 41-vjeçar. Mjekët thanë se i plagosuri po merr ndihmë mjekësore në spital.
Burime jozyrtare thanë se i plagosuri është Mikel Mehmeti, banor i Vlorës. Ai ndodhej tek mjeti i tij Audi me targa AA 653 VC, kur iu bë atentati. Nga të shtënat dyshohet se ka mbetur i plagosur edhe personi i dytë që udhëtonte në mjet.
Ndërkohë, në afërsi të stacionit të trenit, policia ka gjetur duke u djegur një automjet, i cili dyshohet të jetë përdorur nga autorët për fshehjen dhe largimin e tyre.
“Shërbimet e policisë po krehin zonën për të bërë të mundur kapjen e autorëve”, – thanë burime zyrtare nga policia lokale.
Sakaq, grupi hetimor ndodhet në vendngjarje ku vijon puna për zbardhjen e rrethanave të ngjarjes, si dhe identifikimin e autorëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.