.png)
Një 25-vjeçar është ekzekutuar me breshëri kallashnikovi vetëm pak metra larg banesës së tij në qytetin e Vlorës. Kristian Breshanaj, është ekzekutuar nga persona ende të paidentifikuar. Informacionet e para bënë me dije se ngjarja e rëndë ka ndodhur në lagjen “Uji i Ftohtë”, pranë zonës së quajtur “7 pallatet”. Pas ngjarjes së rëndë autorët besohet se kanë djegur makinën tip BMW me targa greke, brenda së cilës u gjet dhe arma e krimit, tip kallashnikov. Automjeti u gjet jo shumë larg vendit të ngjarjes.
Breshanaj kishte vetëm 3 muaj që ishte kthyer nga Belgjika, djalë i një mjeku reanimator në Spitalin e Vlorës. Menjëherë pas sinjalizimit për vrasjen e të riut, forca të shumta policore kanë shkuar në vendin e ngjarjes dhe kanë nisur hetimet. Policia për këtë ngjarje deri më tani ka shoqëruar 12 persona të cilët mund të kenë informacione.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
