.png)
Ka shkuar në 19-të numri i të arrestuarve në kuadër të operacionit ndërkombëtar anti-drogë të koduar “Astrolabio“, që goditi 4 grupe kriminale që transportonin emigrantë të paligjshëm nga vendet e Lindjes së Mesme në Italinë e Jugut, duke kaluar përmes Greqisë dhe Shqipërisë.
I arrestuar është shtetasi me inicilaet K.L., i cili ishte i shpallur në kërkim në kuadër të këtij operacioni dhe u prangos në Vlorë.
Operacioni u zhvillua mes autoriteteve shqiptare, greke dhe italiane, të cilat arritën të dokumentuan veprën penale “Ndihma për kalim të paligjshëm të kufijve”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”, të kryera nga 4 grupe kriminale.
Një shtetas, i cili nisej nga vendet e Lindjes së Mesme paguante rreth 500-1000 euro për të arritur në destinacion, me ndihmën e këtyre grupeve kriminale, ndërkohë sipas policisë vijon puna për kapjen e të tjerë personave të përfshirë në këtë skemë ilegale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
