Gazeta Si – Bashkëpunim mes Shqipërisë dhe Italisë për sportin olimpik. Ose më mirë, asistencë nga Italia për zhvillmin e sportit olimpik në vendin tonë. Presidenti i KOKSH-it, Fidel Ylli, ka nënshkruar sot një marrëveshje me homologun e tij italian, Xhovani Malago.
Kreu i CONI-it (Komiteti Olimpik Italian), Malago, ka vizituar Shqipërinë me ftesë të presidentit të KOKSH-it, Fideli Ylli. Në memorandumin e bashkëpunimit të firmosur mes tyre parashikohet që Italia të ofrojë eskpertizë të nivelit të lartë, ndihmë në kualifikimin e trajnerëve shqiptarë, ngritjen e kampeve për sportistët dhe një suport në çështjet e mjekësisë sportive.
Malago vizitoi Parkun Olimpik dhe projektet e KOKSH-it për masivizimin e sportit në shkolla dhe për ndërtimin e infrastrukturave, që do të ndihmojnë në rritjen e kampionëve të rinj. Drejtuesi italian u shpreh i gatshëm për mbështetje nga vendi fqinj, por edhe nga Komiteti Olimpik Ndërkombëtar për sportin shqiptar.
Një takim delegacioni i Komitetit Olimpik Italian zhvilloi edhe me kryeministrin Edi Rama dhe ministren e Arsimit dhe Sportit, Ogerta Manastirliu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.