.png)
Ministria e ekonomisë së Kinës tha se Kina dhe SHBA-të kanë rënë dakord për të eleminuar disa tarifa nga njëra fazë në tjetrën nëse të dy vendet arrijnë një marrëveshje tregtare të pjesshme, një objektiv që sëbashku kanë ndërtuar që prej muajit tetor.
"Nëse marrëveshja e fazes së parë nënshkruhet, Kina dhe SHBA-të duhet të eleminojnë të njëjtën përqindje të tarifave në të njëjtën kohë bazuar në përmbajtjen e marrëveshjes," tha zëdhënësi Gao Feng në një konferencë për shtyp të enjten.
"Kjo është ajo për të cilën të dy palët kanë ranë dakord, që do të ndjekin negociata të kujdesshme dhe konstruktive gjatë dy javëve të fundit," tha ai.
Pekini zakonisht ka refuzuar të tregojë për përparimin në bisedimet tregtare, por burime zyrtare të enjten përshkruan një heqje të tarifave si rezultat i fituar me vështirësi.
Ajo që është e paqartë është nëse ajo që rrëfyen zyrtarët kinezë mund të konsiderohet si një mekanizëm pajtimi, ashtu si Shtëpia e Bardhë ka thënë se kërkon.
Që nga e enjtja në mbrëmje, sipas orarit të Pekinit, Shtëpia e Bardhë dhe Përfaqësuesi i Tregtisë së ShBA-ve nuk i është përgjigjur ende njoftimit të palës kineze.
Gjatë gjithë mosmarrëveshjeve tregtare, Pekini ka bërë presion ndaj SHBA-ve për të hequr të gjitha tarifat. Nga ana tjetër, Presidenti Trump ka zgjeruar dhe rritur tarifat mbi importet kineze për të bërë presion ndaj Pekinit për të përmbushur kërkesat e SHBA-ve. Muajin e kaluar, ai ra dakord të anulojë tarifat më të larta për një pjesë të mallrave kineze që do të hynin në fuqi, por jo t'i ulnin ato.
Eleminimi i tarifave mund të jetë një mënyrë për të kursyer imazhin e Uashingtonin për pretendimin se ka hartuar një sistem për ta bërë Kinën të respektojë kushtet në një marrëveshje të mundshme. Ëall Street Journal raportoi këtë javë që SHBA-të dhe zyrtarët kinezë po mendonin të tërhiqeshin për disa tarifa për të arritur një marrëveshje të pjesshme.
Negociatori i lartë i tregtisë së ShBA-ve, Robert Lighthizer, ka shtyrë - deri më tani pa sukses - ta çojë Pekinin për të lejuar që SHBA-të të krijojë ura bashkëpunimi, si pjesë e një marrëveshje të mundshme tregtare. Kur SHBA-të njoftuan në tetor se të dy palët do të përpiqeshin të zgjidhnin mosmarrëveshjen tregtare në faza të ndryshme, z. Lighthizer tha që të dy palët ranë dakord të kishin një "mekanizëm të zbatueshëm të zgjidhjes së mosmarrëveshjeve" dhe se ishte "faza përfundimtare që ne po vendosim së bashku. "
Z. Gao i Ministrisë së Tregtisë përsëriti qëndrimin e kahershëm të Kinës që ShBA-të janë nxitës të mosmarrëveshjeve dhe duhet të marrin përgjegjësinë për tensionet e përshkallëzimit: "Lufta tregtare filloi me rritjen e tarifave dhe duhet të përfundojë me heqjen e të gjitha tarifave," tha ai.
Me Presidentin Trump të hapur për të arritur një marrëveshje të përkohshme, negociatorët e Pekinit kanë bërë të pamundurën për të arritur diçka me homologët e tyre. Marrëveshja sipas fazave pritet gjerësisht të pengojë zotin Trump të vendosë tarifa të reja në 15 dhjetor siç ishte planifikuar.
"Ka disa tregues që administrata Trump mund të jetë në kërkim të dëshpëruar," tha Nick Marro, një analist tregtar në Njësinë e Inteligjencës Ekonomike. "Kina mund të marrë përsipër këtë dhe të fillojë të luajë basketboll, sepse dihet që të paktën politikisht janë superior."
Në Pekin, njerëzit që vijojnë bisedimet thonë se ka kuptim që negociatorët kinezë të mos i nënshtrohen kërkesave të SHBA-ve, përfshirë këtu blerjen nga Kina të rreth 50 miliardë dollarë mallra nga fermat amerikane brenda dy viteve.
"Kjo është shumë. A ka Kina një kërkesë të tillë kaq të madhe? ", Tha Shi Yinhong, profesor i studimeve ndërkombëtare në Universitetin Renmin dhe këshillues në Këshillin e Shtetit, kabineti i Kinës.
Z. Shi shpjegoi se një marrëveshje zgjat vetëm nëse kushtet janë të qarta dhe të dy palët mund t'i përmbushnin ato në praktikë. Ai shprehu skepticizëm se negociatorët kishin përfunduar afatet për një marrëveshje për fazën e parë: Diskutimet e SHBA-ve për përsëritjen e tarifave ekzistuese, për shembull, janë ndoshta një përpjekje për të pritur lëshime shtesë nga Pekini, tha ai.
Në një konferencë në Pekin fundjavën e kaluar, disa zyrtarë kinezë, përfshirë ish-zyrtarë të qeverisë, thanë që ata presin që mosmarrëveshjet midis SHAb-ve dhe Kinës të zgjaten për dekada, pavarësisht nga perspektivat për një marrëveshje të afërt.
"Fërkimet nuk kanë të bëjnë vetëm me tregtinë", tha Liu Shijin, zëvendësdrejtor i çështjeve ekonomike në organin legjislativ të Kinës. "Shumë mosmarrëveshje për fusha të ndryshme nuk kanë nisur ende." *Burimi: Wall Street Journal
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
