.png)
Gazeta Si - Arsenali sfidon Realin e Madridit në merkato. Dy klubet e mëdha kanë një obkjetiv të përbashkët për të ardhmen. ‘Topçinjtë’ dhe madrilenët kanë vënë në shënjestër, sipas ‘Defensa Central’, japonezin Takefusa Kubo.
Sulmuesi i Real Sociadad ka një klauzolë prej 60 milionë eurosh për prishjen e parakohshme të kontratës. Kubo ka qenë pjesë e Realit dhe dëshira e tij është për klubin më të titulluar në Champions, pasi e njeh tashmë më mirë futbollin spanjoll. Megjithatë, është edhe ana ekonomike që vendos.
Real Madrid kërkon të forcojë sulmin, forca e të cilit është zbehur disi pas largimit të Karim Benzema. Në anën tjetër, edhe Arsenali, që ka shpenzuar jo pak në merkaton e verës, është gjithmonë në kërkim të lojtarëve që spikasin. Angazhimi në kampionat dhe Champions e bën më të nevojshëm afrimin e lojtarëve me kualitet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
