Gazeta Si – Ashtu siç edhe pritej, Luçiano Spaleti është zgjedhur trajner i Italisë, pas largimit të papritur të Roberto Mançinit. Pas diskutimeve të ditëve të fundit, dyshimet dhe problemet që kanë shoqëruar tratativën, janë lënë mënjanë.
Takimet e fundit mes ish-trajnerit të Napolit dhe presidentit të Federatës Italiane të Futbollit, Gravina, kanë dhënë rezultat. Mbyllja e marrëveshjes para fundjavës bën që Spaleti të nisë punën javën e ardhshme.
Federata Italiane i ka premtuar mbështetje maksimale trajnerit edhe në lidhje me detyrimin ligjor ndaj De Laurentis, presidentit të Napolit. Ditët e fundit Gravina dhe Spaleti kanë folur për të gjitha temat dhe presidenti ka gjetur entuziazmin dhe disponibilitetin e trajnerit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.