Një inspektor policie, me iniciale P.P., 52 vjeç, është arrestuar nga Shërbimi për Çështjet e Brendshme dhe Ankesat. Oficeri i patrullës së përgjithshme në Policinë e Durrësit, akuzohet se mbrëmjen e të hënës, 6 qershor, rreth orës 22:30, aksidentoi me makinë një 33-vjeçar, i cili ndodhet në spital në gjendje të rëndë.
Pas aksidentit të ndodhur në lagjen numër 18 të Durrësit, punonjësi i policisë u largua nga vendngjarja, por u arrestua më vonë.
Pas testit të alkoolit, rezultoi se ai ka qenë në gjendje të dehur në momentin që përplasi me makinë të riun.
Polici akuzohet për shkelje e rregullave të qarkullimit rrugor, drejtim i mjetit motorik në mënyrë të parregullt dhe largimi nga vendi i aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.