.png)
Policia e Kamzës ka goditur një tjetër rast të dhënies ndihmë për kalim të paligjshëm të kufirit përkundrejt fitimit. Nga operacioni policor “Kamza”, mësohet se është vënë në pranga një 39-vjeçar, i cili transportonte në drejtim të Shkodrës për në Mal të Zi me destinacion final një nga vendet e BE-së, 6 shtetas nga Iraku dhe Siria.
Shtetasi i arrestuar është I. Q., 39 vjeç, banues në Bathore-Kamëz.
Siç njofton policia, ky shtetas u kap në rrugën “Demokracia” në Kamëz, duke transportuar në drejtim të Shkodrës 6 emigrantë të paligjshëm me qëllim dhënien ndihmë për kalim të paligjshëm të kufirit kundrejt fitimit.
Emigrantët e paligjshëm, tre nga Siria dhe tre nga Iraku iu dorëzuan në Drejtorisë Vendore të Kufirit dhe Migracionit Tiranë, për veprime të mëtejshme.
Materialet proceduriale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale të “Ndihma për kalim të paligjshëm të kufirit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
