Policia ka arrestuar shtetasin Ymer P. nga Elbasani, të cilit i është gjetur një sasi prej një kilogramë zhivë helmuese. Menjëherë është hapur një hetim për të kuptuar qëllimin e përdorimit të kësaj lënde helmuese.
Nga Policia po bëhen përpjekje për të mësuar se kush janë blerësit e mundshëm të zhivës helmuese dhe destinacioni i kësaj lënde. Ymer P., 59 vjeç dhe banues në Elbasan, është shoqëruar nga forcat e policisë mbrëmjen e së shtunës.
Nuk ka detaje të tjera për këtë ngjarje, ndërkohë që Prokuroria kërkon të zbardhë gjithçka, duke tentuar ta bëjë shtetasin e arrestuar bashkëpunëtor të drejtësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.