Policia ka zbardhur ngjarjen e ndodhur mbrëmjen e djeshme në lagjen nr. 7 në Korçë, ku humbi jetën një 67-vjeçar.
Policia thotë se për vrasjen e tij është vënë në pranga fqinji i tij, si autor i dyshuar i ngjarjes. Për krimin është vënë në pranga Apostol Bozhgolli, 65 vjeç, dhe mësohet se shkak për zënkën ka qenë drita e pallatit ku ata banonin.
Situata ka degjeneruar deri në përdorimin e armës së ftohtë (thikë). Autori i dyshuar për vrasjen e fqinjit, dyshohet se vuan nga probleme të shëndetit mendor.
Në cilësinë e provës materiale është sekuestruar mjeti prerës (thikë).
Materialet i kaluan Prokurorisë të Rrethit Gjyqësor Korçë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.