Gazeta Si – Arrihet akordi, Armando Broja është lojtari më i ri i Fulhemit. Sulmuesi kuqezi largohet nga Çelsi, por qëndron në Premier Ligë, ku deri në fund të sezonit do të luajë me fanellën e Fulhemit, një tjetër ekipi londinez.
Marrëveshja, që pritet të zyrtarizohet nga momenti në moment, është për një huazim të pastër të futbollisti shqiptar deri në fund të këtij sezoni. Çelsi do të përfitojë nga kjo lëvizje 4 milionë paund.
🚨⚪️⚫️ Armando Broja to Fulham, here we go! Agreement reached on loan until the end of the season for £4m fee to Chelsea.
— Fabrizio Romano (@FabrizioRomano) February 1, 2024
Broja will complete medical tests tonight in order to sign later.@TurkishAirlines ✈️ pic.twitter.com/9c0tXw4u7O
Pas vizitave mjekësore, Broja do të prezantohet te skuadra e tij e re. Një lëvizje kjo që mund ta ndihmojë sulmuesin të ngrejë nivelin duke luajtur rregullisht. Kështu ai do të jetë në formë optimale për Kombëtaren në qershor, kur nis Europiani.
Kjo është hera e tretë që Armando Broja huazohet nga Çelsi. Ai kaloi disa vite më parë në Holandë, te Viteshe, pastaj te Southemptoni në Premier Ligë, ku pati një ecuri mbresëlënëse, dhe tani te Fulhemi. Ekipi i ri i sulmuesit shqiptar mban vendin e 13-të në kampionat, me 25 pikë. Në garë për Brojën ishte edhe Volverhemptoni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.