.png)
Apple ka njoftuar se iTunes do të zëvendësohet nga Apple Music, Apple Podcasts dhe Apple TV. Kjo vjen pas spekulimeve se gjiganti i teknologjisë po planifikonte të mbyllte shërbimin e muzikës që lançoi në 2001. Kompania gjithashtu zbuloi një numër të masave të reja të privatësisë në konferencën vjetore në San Jose. Risia e veçantë do të jetë alternativa për të hyrë në aplikacione duke përdorur llogaritë e mediave sociale, duke fshehur adresën e emailit dhe të dhënat e përdoruesit. iTunes do të mbetet e pandryshuar në platformat Windows.
Apple njoftoi disa masa të reja të privatësisë, duke u mbështetur në ngjarjen e vitit të kaluar ku u zotua të bllokojë njësitë e ndjekjes së Facebook-ut. "Privatësia është një e drejtë themelore e njeriut", tha shefi i softuerit të Apple Craig Federighi. Ai tha se do të ketë një opsion për aplikacionet që kërkojnë informacionin e vendndodhjes që duhet të t’ju shfaqet për të identifikuar kur dikush tjetër po përdorë pajisjen tënde, gjithashtu do të përdoren edhe identifikimi i sinjaleve Wi-Fi ose Bluetooth. Apple gjithashtu po lançon një login-in me-Apple, si një alternativë për të hyrë në një shërbim duke përdorur një llogari të medias sociale. Duke përdorur këtë opsion, përdoruesit mund të zgjedhin të fshehin adresën e tyre të postës elektronike, duke krijuar një adresë alternative të rastësishme e cila do të përcjellë në kutinë e postës reale. "Zbulimi i" Sign-in With Apple "do të prekë rivalët, veçanërisht gjigantët e uebit", komentoi Ben Wood nga CCS Insight.
"Shërbimet ekzistuese të identifikimit sigurojnë një mjet të thjeshtë për identifikim të vetëm në të gjithë rrjetin. Theksi më i madh do të vihet tëk privatësia, ndryshe nga Facebook dhe Google, dhe përfaqëson një mjet të madh marketingu për qëndrimin më të gjerë të privatësisë së Apple." Gjithashtu sistemi operativ iPhone - iOS 13 - përfshin një sërë ndryshimesh në ndërfaqen e saj, si dhe funksione të reja. Modaliteti i ri i errët mundëson aplikacionet e iPhone të shihen me një sfond të zi, ndërsa aplikacioni Apple Maps do të vijë me një eksperiencë virtuale të turneve të ngjashme me pamjen e Google Street. Karakteristika të tjera kryesore përfshijnë opsionin për të bllokuar telefonuesit e panjohur dhe për të bllokuar dërguesit brenda aplikacionit Mail, kërkimin e përmirësuar në mesazhe dhe ngarkimin e baterisë të optimizuar.
Apple gjithashtu ka bërë përmirësime në tastierat e saj gjuhësore, duke përfshirë futjen e tastierave të reja dygjuhëshe dhe parashikimet e shtypjes për arabisht, hindisht, thai, kantonezë, vietnamez dhe 22 gjuhë zyrtare indiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
