.png)
Kompania Pokemon është duke zhvilluar një aplikacion të ri, i cili quhet “Pokemon Sleep”. Ekspertët e lojës shpjegojnë në rrjetin social Instagram se aplikacioni i ri do të monitorojë gjumin e lojëtarit dhe do t’i përdorë këto të dhëna për të vazhduar lojën.
Nuk ka informacione të mëtejshme se si do të ndërtohet loja, por mendohet se do të jetë një fenomen global, njëjtë siç ishte edhe Pokemon Go, i cili u krijua në vitin 2016. "Ne duam ta kthejmë gjumin në argëtim", shpjegoi një drejtues ekzekutiv.
Duke folur një konferencë shtypi në Tokio, shefi ekzekutiv i kompanisë Tsunekazu Ishihara, tregoi se loja do të jetë në dispozicion të përdoruesve vitin e ardhshëm.
Sipas atij, përveçse një mjet argëtimi, aplikacioni do të mundësojë edhe një jetë të shëndetshme.
Të dhënat tregojnë se më shumë se 340 milionë njësi të lojërave të ndryshme janë shitur që nga viti 1996.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
