TIRANË- Mbledhja e Këshillit Kombëtar të Integrimit, e planifikuar të mbahet sot (13 nëntor), ku pritej që ambasadori i BE-së Luigi Soreca të prezantonte Progres-Raportin e BE për vitin 2023, u anulua për të shmangur kaosin e krijuar së fundmi në Kuvend.
Bashkëkryetarja e Komisionit, Jorida Tabaku, në një dalje për mediat, tha se do të ishte e pafalshme që para ambasadorit ët BE-së të kishte skena të tilla bllokimi.
‘Do të ishte e pafalshme nëse do të kishim ato skena të papërshtatshme, në Komisionin e Integrimit, dhe e kisha të pamundur sesi do të shkonte mbledhja. Nuk doja që skenat e së premtes të përsëriteshin edhe në sy të ambasadorit. I kërkova ambasadorit që të më mirëkuptonte. Integrimi duhet të na bashkojë dhe jo të na ndajë’ tha Tabaku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.