.png)
Transporti detar paraqet një 'kërcënim të rëndësishëm' për peshkaqenët. Sipas biologëve detarë ata janë gjithnjë e më të rrezikuar. Ata zbuluan se anijet po vrasin një numër të madh peshkaqenësh.
Numri i tyre ka qenë në rënie në të gjithë botën vitet e fundit, por ekspertët nuk kishin gjetur edhe një arsye.
Shkencëtarët nga Shoqata Biologjike Detare (MBA) dhe Universiteti i Southampton-it kanë udhëhequr një hulumtim që tregon se anijet po përplasin peshkaqenët.
Sipas ekspertëve kjo çështje është nënvlerësuar dhe popullata e këtyre gjallesave është në rënie.
Shkencëtarët nga 50 institucione kërkimore ndërkombëtare dhe universitete gjurmuan lëvizjet e peshkaqenëve dhe anijeve në të gjithë globin. Kjo për të identifikuar zonat e rrezikut dhe përplasjet e mundshme.
Çfarë treguan të dhënat?
Ekipi hartoi 'pikat e nxehta' të cilat mbivendosen me flotat e ngarkesave të ndryshmeve. Ata zbuluan se 90% e lëvizjeve të peshkaqenëve ishin nën gjurmën e aktivitetit të transportit detar.
Ekipi arriti në përfundimin se humbja e transmetimit ishte e mundshme për shkak të goditjes, vrasjes dhe fundosjes së peshkaqenëve në fundin e oqeanit.
Studiuesja e Universitetin e Southampton, Freya womersley, e cila udhëhoqi studimin tha se industria e transportit detar na lejon të marrim një shumëllojshmëri produktesh të përditshme nga e gjithë bota. Por mund të jetë duke shkaktuar rënien e popullatës së peshkaqenëve.
Të dhënat e lëvizjes së gjurmuar satelitore nga gati 350 peshkaqenë balenë u dorëzuan gjithashtu në projektin “Global Shark Movement”, të udhëhequr nga studiues nga Shoqata Biologjike Detare (MBA).
Peshkaqenët janë gjigantë të oqeanit që lëvizin ngadalë, e me kafshë mikroskopike të quajtura zooplankton.
Zakonisht ato bëhen më të mëdha se një autobus dykatësh nga 6 deri në 16 metra.
Peshkaqenët ndihmojnë në rregullimin e niveleve të planktonit të oqeanit. Ato luajnë një rol të rëndësishëm në rrjetin ushqimor detar dhe ekosistemet e shëndetshme të oqeanit.
Aktualisht nuk ka rregulla ndërkombëtare për të mbrojtur peshkaqenët nga përplasjet e anijeve.
Ekipi hulumtues thotë se kjo specie përballet me një të ardhme të pasigurt nëse nuk ndërmerren veprime së shpejti.
Ata shpresojnë se gjetjet e tyre mund të informojnë vendimet e menaxhimit. Gjetjet u botuan në revistën mjedisore PNAS.
Burimi: Daily Mail/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
