.png)
Mesfushori i Kombëtares, Amir Abrashi, është kthyer zyrtarisht te Grasshopersi, skuadra ku u rrit dhe ra në sy 11 vjet më parë. Lajmi është konfirmuar nga klubi zviceran, që ka bërë të ditura edhe detajet e kontratës me futbollistin shqiptar.
Abrashi ka firmosur një kontratë dyvjeçare me Grasshopersin. Me këtë skuadër mesfushori energjik është aktivizuar në fillimet e karrierës së tij për 5 sezone, më pas kaloi në Bendesligë, ku veshi fanellën e Frajburgut. Pas përfundimit të huazimit te Bazeli, Abrashi ishte lojtar i lirë dhe ai ka zgjedhur të ribashkohet me Grasshopersin.
Me përvojën e tij të gjatë, mesfushori 31-vjeçar do të jetë një pikë e fortë për skuadrën e re. “Gjiththmonë kam dashur të kthehet te Grasshoperi dhe ishte koha e duhur për ta bërë këtë gjë. Mezi po e prisja”, - është shprehur Abrashi pas firmës me Grasshopersin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
