Amazon: 700 mln $ për të rikualifikuar gratis njëqind mijë punonjës

Edhe për kolosët e teknologjisë e për punojnjësit e tyre inovacioni nxit. Amazon ka vendosur që në gjashtë vitet e ardhshme do të ritrajtojë më shumë se një të tretën e punonjësve të saj në Shtetet e Bashkuara për detyra të reja dhe kualifikime të reja, dmth. të paktën njëqind mijë njerëz në total.

Një nga projektet më të mëdha të rizhvillimit, që do të kërkojë një investim prej 700 milionë dollarësh deri në vitin 2025. Shtatë mijë dollarë për secilin punonjës.
Detyrat, të cilat bëhen të vjetëruara ose kërcënojnë të vjetërohen në fushën elektronike dhe internet, do të rigjallërohen ose zëvendësohen nga specializimet dhe të mësuarit e aftësive të reja. "Aftësitë" e reja mund të përdoren brenda ose edhe jashtë kompanisë dhe Amazon do të ofrojë kurse, një përzierje të programeve ekzistuese të cilat do të zgjerohen, por do të ketë edhe programe të reja, pothuajse gjithmonë falas.

Jeff Wilke, shef ekzekutiv i zyrës globale për konsumatorët, e ka shpjeguar iniciativën e qujatur “Upskilling 2025” si një përgjigjje e nevojshme ndaj konstatimit që “ teknologjia po ndryshon shoqërinë tonë e sigurisht po ndryshon punën”. Sfida, në këtë klimë, qëndron tek përgatitja e punonjësve “për mundësitë e së ardhmes”.

Shembujt e cituar nga vetë Amazon zbulojnë qëllimet e planit: punonjësit e thjeshtë në qendrat e mëdha të shpërndarjes së grupit mund të shndërrohen në teknikë të specializuar në asistencën teknologjike - domethënë në menaxhimin dhe kontrollin e makinerive dhe robotëve që do t'i zëvendësojnë ato. Punonjësit e angazhuar tani në më shumë detyra do të jenë në gjendje të lëvizin drejt roleve si inxhinierë dhe programues të softuerit gjatë disa viteve, pa pasur nevojë të regjistrohen ose të ri-regjistrohen në kolegje dhe universitete.
Programet e rikualifikimit, të aksesueshëm pa detyrimin për të qendruar në shoqëri, do të jenë kurse të sofistkuar në nivel universitar e post-universitar, të destinuara për personelin me përvojën e kaluar në shkencat kompjuterike dhe të cilët do të jenë në gjendje të përfitojnë; si mësues, të cilët shpesh janë ish-profesorë. Në vend të kësaj, Zgjedhja e Karrierës në Amazon do të jetë e disponueshme para së gjithash për punonjësit e magazinave të shpërndarjes: ajo kontribuon në 95% të kostos së diplomave në fusha të ndryshme, por që mendohet të ketë kërkesa të larta jashtë Amazon, nga infermieria në mekanikën hapësinore. Programi tashmë ekziston, por do të zgjerohet ndjeshëm me njëzet klasa të tjera të krijuara nga viti i ardhshëm. Nga ana e saj, Amazon Apprenticeship do të ofrojë një seri kursesh intensive si në klasë ashtu edhe në terren.

Impakti për punonjësit do të jetë i vyer. Teknologjia dhe robotika do të sjellin eleminimin e 20 milion vendeve të punës në botë vetëm në sektorin e prodhimit (vlerësimet është bërë nga Oxford Economics). Rezultati i ri-trajnimit, megjithatë, është gjithashtu vendimtar për strategjitë e rritjes dhe konkurrencës së Amazon. Grupi tashmë lufton, si shumë kompani të tjera hi-tech, për të gjetur një numër të mjaftueshëm të teknikëve të specializuar për nevojat e saj, veçanërisht në Shtetet e Bashkuara. Ai aktualisht ka rreth njëzet mijë vende të hapura, gjysma e tyre pranë selisë së tij në Seattle. Duke mbuluar të paktën disa prej këtyre nevojave, me udhëtime dhe promovime, mund të ndihmojnë në mbylljen e një deficiti aftësie.

Gjigandi i Jeff Bezos, me aktivitete që shkojnë nga e-commerce në shërbime cloud dhe media streaming, gjithashtu ka sfida të hapura dhe përpjekjet e lira të rizhvillimit mund të ndihmojnë në zgjidhjen e tyre. Ai ka 630,000 punonjës me kohë të plotë dhe me kohë të pjesshme në mbarë botën, me 275,000 punonjës me orar të plotë në Shtetet e Bashkuara. Në vitet e fundit është kuptuar se duhet të reagojë në mënyrë të përsëritur ndaj kërkesave për trajtim dhe pagesë të personelit, shpesh të kritikuar si të papërshtatshme. Vitin e kaluar, pas presionit të përsëritur, Amazon ngriti pagën minimale në SHBA për 15 dollarë në orë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.