.png)
Ishte paralajmëruar si mbledhje që një javë më parë, por vetëm pak minuta para fillimit të komisionit për reformën zgjedhore, bashkëkryetari në emër të PD-së, Enkelejd Alibeaj i ka bërë thirrje kolegeve të tij demokrate që të marrin pjesë në komisionin për reformën zgjedhore, edhe pse debati nuk qëndron tek gjithëpërfshirja por te pozicioni i tij sa kohë që gëzon edhe të drejtën e vetos.
Alibeaj tha se i takon atij detyra e bashkëkryetarit si përfaqësues zyrtar i PD-së, ndërsa paralelisht kolegët e tij të orientuar tek grupi i drejtuar nga Gazment Bardhi vendosen që të bllokojnë komisionin e reformës zgjedhore. Ende pa filluar, Albana Vokshi i ka zënë vendin Damian Gjiknurit, ndërsa Lindita Metaliaj i ka zënë karrigen Enkelejd Alibeajt.
Deputetët që bllokuan Komisionin:
Albana Vokshi
Lindita Metaliaj
Ervin Salianji
Asllan Dogjani
Gazment Bardhi
Edmond Spaho
Flamur Noka
Xhelal Mziu
Lefter Geshtenja
Elda Hoti
Luan Baçi
Saimir Korreshi
Bledion Nallbati
Petrit Vasili
Dhurata Cupi
Isuf Cela
Fatmir Mediu
Mësohet se në mbledhjen e grupit parlamentar te thirrur nga Gazment Bardhi deputetët e opozitës kanë vendosur që të bllokojnë mbledhjen e Komisionit të Posaçëm të Reformës Zgjedhore.
Bashkëkryetari i Reformës Zgjedhore nga PS, Damian Gjiknuri doli nga salla e bllokuar e nga deputetët e opozitës dhe në fjalën e tij për mediat u shpreh se mbledhja është e pamundur në zhvillohet në sallë, si pasojë e akteve vandale të deputetëve.
“E pamundur për t’u zhvilluar mbledhja. Edhe atë që predendojnë, Oerd Bylykbashin nuk e kanë sjellë dhe Alibeajn si duket nuk e kanë lejuar.
Për të ardhur keq, sepse opozita duhet të jetë e para, por është zgjedhja e tyre” tha fillimisht Gjiknuri.
I pyetur nëse mbledhja do të anulohet apo do të mbahet online, ai tha: “Do të ketë një njoftim. Nëse opozita nuk do të bëhet pjesë, do të gjejmë një mënyrë që Reforma të eci përpara.”
Grupi i deputetëve Bardhi – Berisha, kanë që prej tetorit të vitit të kaluar në aksion dhe nuk kanë lejuar zhvillimin normal të seancave plenare dhe komisioneve parlamentare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
