.png)
Drejtuesi i një kamioni, është vënë në pranga në Fier, pasi dyshohet se të enjten shembi me mjetin e tij urën e Darëzezës për shkak të peshës së rëndë. I arrestuari Luftar Panahori 52 vjeç, banues në Roskovec, akuzohet për veprën penale "Shkatërrimi i rrugëve".
Në orët e para të mëngjesit të së enjtes, duke drejtuar automjetin me një rimorkiator mbi të cilin kishte ngarkuar një skrep, 52-vjeçari ka kaluar në urën e rrugës automobilistike Fier-Darzezë jashtë tonazhit të parashikuar në tabelën sinjalistike.
Për pasojë, ura është shembur, ku zona me rreth 2 mijë banorë është tërësisht e izoluar me pjesën tjetër. Ura u ndërtua në vitin 2017 nga ushtria, pasi ura e vjetër u shemb, ndërsa punimet nisën para zgjedhjeve por u ndërprenë disa ditë më pas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
