Efektivi i forcave “Shqiponja” të Sarandës, Lavdosh Metaj është lënë në burg me akuzën e trafikut të lëndëve narkotike. 38-vjeçari u arrestua tre ditë më parë pas një survejimi disa mujor.
Prokurori i çështjes, Lorenc Mërkuri, kërkoi si masë sigurie “Arrest me burg”, ndërkohë që dhe gjyqtari Alban Veçani pranoi kërkesën e prokurorisë.
Gjyqi u zhvillua me dyer të mbyllura dhe efektivi nuk e ka pranuar akuzën, duke pretenduar se lënda narkotike e gjetur në shtëpinë e tij ishte për përdorim vetjak.
Avokati i Metajt ka kërkuar një masë më të butë sigurie, ose dhënien e një garancie pasurore, por Gjykata e Sarandës nuk ka pranuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.